Ég er búin að flytja bloggið mitt yfir á nýja síðu

   thorabjork.bloggar.is

  "sjáumst" þar

 

Bless bless Þóra Björk

 

  Jæja þá er nú þessi víðfrægi dagur runninn upp einu sinni enn. Það er ekki meining mín að gera lítið úr þeim hörmungum sem áttu sér stað þennan dag 2001, mér verður hins vegar æði oft hugsað til annara landa og þjóða sem orðið hafa fyrir þeim hörmungum að hafa orðið fyrir árásum. Mér finnst til að mynda innrásin í Írak bera nokkurn keim af hryðjuverkaárás því það sem forystumenn Bandaríkjanna og Bretlands notuðu sem skálkaskjól til að geta kallað þetta hernaðaraðgerðir vona hreinar lygar. Og get ég því í því ljósi ekki flokkað þetta undir neitt annað en hryðjuverk ! Og ekki hefur þetta verið til frelsunsr fyrir  Írökskuþjóðina að fá þar inn herina sem eru undir fána Nato. Ég er heldur ekki að gera lítið úr þeim ofbeldisverkur sem fyrrum einræðisherra Írak framdi en tel þó að betur hefði verið að fara aðrar leiðir en þessar. Og ekki eru þetta einu hryðjuverkin sem Bandaríkin og Bretland hafa framið í sameiningu og allt undir því falska flaggi að þeir séu að berjast gegn hryðjuverkum. Afganistan er annað dæmi. Og svo eru þessir "háu"herrar að reyna að sannfæra heiminn um að þeir séu að gera heiminn betri og réttlátari, hvar er réttlætið hjá þessum mönnum í Guantanmo fangabúðunum. þar er mönnum haldið án rokkurs réttar eða lagalegrar hjálpar og þetta er allt réttlætt með stríði gegn hryðjuverkum. Þar er saklausufóki haldið svo árum skiptir, pyntað og haldið frá öllum eðlilegum samskiptum við umheiminn. Engin samskipti við fjölskyldu og ekki einu sinni að það fái lögmann sér til aðstoðar. ERU ÞETTA EKKI HRYÐJUVERK ????    Mér er hreinlega spurn!!

Svo er nú búið að vera á dagsskránni hjá "háu"herrunum að ráðast inn í Íran líka af því að þeir eru of hættulegir til að hægt sé að treysta þeim fyrir kjarnorkuvopnum. . . . . . . . .   en bíðum nú aðeins við  Bandaríkjamenn eiga flest kjarnavopn í heiminum og þeir eru fyrsta og EINA þjóðin í veröldinni sem hefur beytt kjarnavopnum gegn annari þjóð    Og það er þjóðin sem við hin eigum að treysta sem alþjóðalögreglu til að bæta heiminn.

 Ef einhver vill lesa sig til um hvernig þetta gengur raunverulega fyrir sig í Guantanamo þá er hér linkur :  http://attendingtheworld.wordpress.com/2007/03/07/sold-to-americans-and-4-years-in-guantanamo/

   Úff hvað það er gott að koma þessum pælingum frá sér, vona að allir afi það sem best á þessum degi sem öðrum .

 

  Bless bless Þóra Björk

 

   Jæja þá er ég loksins komin með netið á ný !

 Það er nú komið svo langt síðan ég settist niður almennilega til að skrifa eitthvað hér að ég er hreinlega komin úr allri æfingu, en eins og þeir segja, þá skapar æfingin meistarann svo mér er ekki til setunnar boðið og ætla að koma mér í gírinn aftur.        

 Það sem helst var í umræðunni síðast voru þessi námskeið sem ég var á og mér tókst að ljúka með ágætum, og er því komin með svokölluð blå- og hvidebevis. sem hefur með akstur á stórum bílum að gera ég er voða fegin að það er búið svo ég sé nú lögleg á vinnutíma

 Ég fór á tónleika með Nínu og Leif í sumar, með danskri hljómsveit og vissi ég ekkert á hverju ég átti von. Var nokkuð skeptísk þegar þau sögðu að þetta væri svona dönsk "folkemusik" úff og ég átti eftir að vera á þessu í þrjá tíma en í ljós kom að þetta voru hinir skemmtilegustu drengir og stemmningin frábær. Þetta var , fyrir þá sem þekkja til, Lars Lillholt Band, og þeir minna nokkuð á Papana okkar íslendinga Hef síðan leitað mikið eftir diskum til að kaupa, þótti þeir það góðir.

 Nú ekki má nú gleyma að segja frá því að ég skrapp til Íslands, í tvær og hálfa viku í júlí. Mikið var nú gott að sjá syni mína að öllum öðrum ógleymdum þá þótti mér það best. Ég lét þó verða af því að ferðast pínulítið um landið og skrapp bæði í Saurbæ í Dölum og Skagafjörðinn. Það er skammarlega langt síðan ég hef komið á Brúnastaði, var farin að sakna þeirra sárt

 Ég fór hér út í garðinn minn á dögunum og tíndi mér fullt af eplum og plómum, dásamlegt að geta bara skroppið útí garð og týnt þetta ferskt. Það er hins vegar svo mikið af ávöxtunum að ég hef gefið þetta út í bæ líka svo þetta detti ekki bara sjálft og rotni,  engum til ánægju   Ég þarf hins vegar að vera talsvert duglegri að gera garðinn minn fínan hef ekki verið dugleg við það í sumar að róta í beðum og slíku. Köngulærnar eru svolítið að fæla mig í burtu en það er eitthvað sem verð að takast á við, því svona er þetta ekki hægt hehehehe. . . . .  ég er þó aðeins byrjuð að klippa niður ofvaxnar plöntur svo þetta er nú allt að koma

 Jæja nú man ég ekki eftir meiru að segja svo ég læt hér staðar numið að sinni

  Bless bless Þóra Björk

 

 

 

 

     Vá thad er svo langt sídan ég hef skrifad hér inni ad ég er steinhissa á ad thad skuli nokkur heimsækja thessa sídu lengur

  Èg ætla thó ekki ad skrifa mikid í dag en thad kemur meira á næstu dögum, ég er á námskeidi aftur og notfæri mér tölvuna thar núna. Ég hef eki gefid mér tíma til ad fá mér heimasíma eda tölvutengingu sídan ég flutti

   Bless bless í bili Thóra Björk

 

   Já það er alltaf eitthvað í gangi hjá mér og núna er það helst að frétta að hún Eydís mín er á leiðinni til mín    . . . . .  hún kemur þann 16. feb og ég hlakka endalaust til.       Þetta verður nú ekki langt stopp að þessu sinni en allt er sko mikið betra en ekkert.

  Svo er ég að fara í vertarfrí alla næstu viku og ætti að geta notað þann tíma til að reyna að koma mér endanlega fyrir. . . . koma öllu á sinn stað og slíkt. Og í viku 8, hér er allt talið í vikum en ekki talað um daga og mánuði, fer ég á námskeið til að taka svokallað "Blåbevis" sem þarf að hafa hér til að keyra lengri leiðir á rútum og leigubílum. Það væri nú gaman að fara í ferðir á milli landa með rútur og á fullum launum   Ég verð þó að viðurkenna að ég er svolítið streesuð yfir þessu því við þurfum að keyra á sértakri braut sem er hönnuð með svelli og hæðum og hólum og öllu mögulegu. Pínu kvíðin  

   Jæja nóg að sinni

   Bless bless Þóra Björk

  

Jæja þá eru stofan búin líka svo þetta gengur allt eins og í sögu. Hann Leif er eins og þeytispjald hann er svo fljótur að þessu og það sem meira er, hann er að gera þetta allt saman einn ! Og ég sem hreykti mér af því að ÉG ætlaði að leggja parket, aðeins of fljót á mér núna   Það er nú ekki í fyrsta skipti sem ég er fljótfær    ég er ekta hrútur að því leitinu til, það er talað um að hann gangi alltaf með höfuðið á undan búknum hann er svo mikið að flýta sér og ég held að það eigi ágætlega við mig  

    Svo var ég að tala við yfirmanninn minn í dag um að fá meiri vinnu og hann sagði að það yrði nú ekki mikið vandamál Ég er svo ánægð,    ég á strax á sunnudaginn að læra nýja rútu svo þetta kemur fljótt. Svo þarf ég að fara á námskeið til að fá réttindi til að fara lengri ferðir, þetta er eitthvað í sambandi við reglugerðir hér í landinu, og þá get ég farið að fara í ferðir á milli landa og það verður nú algjört æði Ekki slæmt að fara með rútu til suðlægari landi og það á fullu kaupi. . . . . .  og þá er það skattfrjálst

    Jæja nú verð ég að halda áfram að koma dótinu mínu út í bíl og kerra og koma mér uppeftir. Og svo ætla ég að koma aðra ferð á morgun.

 

    Bless bless í bili  Þóra Björk

 

 Jæja þá er búið að mála, reyndar lauk því á fimmtudaginn í síðustu viku og þvílíkur og annar eins munur á einu húsnæði  VÁ     Þessu hefði ég bara ekki trúað að málningin ein og sér gæti gert svona mikið, en þetta er líka alveg fantagóður málari sem ég fékk  Ég ákvað að hafa allt hvítt en það hef ég ekki haft í mörg ár. Þetta er hreint bara gaman    Svo er ég byrjuð að leggja parketið, fékk reyndar hjálp frá Leif ( lesið Læf ) svefnherbergið er búið og næst ætla ég að ráðast á stofuna.

    Svo er ég byrjuð að flytja mig smátt og smátt uppeftir eða þ.e.a.s. dótið mitt en eins og ég segi þá er þetta bara smátt og smátt en sem komið er. Ég flyt ekki endanlega fyrr en gólfin eru tilbúin.

    Hér er búið að vera BRJÁLAÐ rok og GEÐVEIK rigning. Það fór allt á flot í nokkrum bæjum hérna í Danmörku og þeir voru flestir á Jótlandi að ég held ég fari rétt með og fór Vejle verst út úr því. Það var svo mikill vatnselgur þar að götur voru eins og risastór straumvötn og húsin í bænum eins og eyjar og sker. Lögreglan kom meira að segja með tilkynningar í útvarpið að þeir sem ættu ekki brýnt erindi í bæjinn ættu ekki að koma þangað. Einngi vað að loka hluta af  Motorvejen ( hraðbrautin ) vegna þess að það safnaðist svo mikið vant.

   Ég fór til vinnu klukkan 7 í morgun og leiðin sem ég er vön að keyra var ófær. Ég fer undir litla brú en undir henni var búinn að myndast svo mikill og stór pollur að það hefði flætt yfir vélina hjá mér, sem keyri um á Bens Sprinter sem er nú ekki alveg með lægstu bílum. Það er þó verið að spá kólnandi svo ég fer vonandi að sjá snjó hérna úti en hans er ég farin að sakna talsvert, og þá sérstaklega þegar ég sé fréttir af því að allt er á kafi á Íslandi.

     Svo fékk ég nú heldur betur glaðning þegar ég kom heim úr vinnunni, Nína vinkona ( konan hans Leifs ) benti mér á að fara yfir í hús og tékka hvort ekki væri nú allt í lagi með allt, kíkja á niðurföll og fleira í þeim dúr út af allri rigningunni. Svo er ég lika búin að koma fyrir lugtum, með kertum í, á útidyratröppurnar svo það veitti ekki af því að kanna hvort þær væru nú enn á sínum stað. Og viti menn     Þar fyrir innan dyrnar hjá mér voru spánnýjar rimla- og rúllugardýnur fyrir alla herbergis- og eldhúsgluggana mína . .  . . . . . . . ..  .  innflutningsgjöf frá Nínu  ég varð svo snortin að ég felldi bara tár þetta var sko fallega gert af henni þessari elsku . . . .  alveg ótrúlega góð kona   Takk fyrir mig Nína mín :*

    Jæja nú held ég að ég sé búin að koma öllu frá mér sem ég hef að segja í bili, þangað til næst

 

     Bless bless Þóra Björk

    Jæja þá er ég byrjuð að undirbúa það að gera klárt í húsinu svo ég geti flutt sem allra fyrst.

   Í dag fékk ég málara til að koma og mæla upp svo ég geti fengið tilboð í málningarvinnu inni, ég nenni ekki að mála þetta sjálf ( endalaus leti ) hehehe   og svo fer ég að fara á stúfana til að finna parket sem ég kem til með að setja á gólfin, það eru teppi þar fyrir og því er ég ekki hrifin af. Og svo um leið og málnigarvinnu og parketlögn er lokið þá flyt ég inn

   Svo byrja í nýju vinnunni á fimmtudaginn næsta, þetta er endalaus gleði og gaman

    Bless bless Þóra Björk

                                                   Gleðilegt nýtt ár

       Óska ég ykkur öllum gæfu og gengis á árinu

                                      Kv. Þóra Björk

 Komið þið nú öll sömul sæl og blessuð og gleðileg jól til ykkar allra (svolítið í seinni kantinum )

  Hér hjá mér er búið að vera ansi margt í gangi og mikið að gera svo ég hef ekki haft hugsun á því að skrifa hér inn færslu en það er betra seint en aldrei svo hér kemur eitthvað af því sem hefur á mína daga drifið að undanförnu.

   Það sem mér þykir merkilegast af öllu er að synir mínir og "tengdadætur" voru hérna hjá mér yfir jólin og dvöldu þau í viku, ég kem til með að lifa á því í ansi langan tíma. Það er ekkert sem jafnast á við að hafa þá sem manni þykir vænst um hjá sér (jæja nóg af svona væmni ) Við fórum í jólaboð til Hullu og Eika og co. á annan í jólum og þar skemmtum við okkur konunglega, enda með eindæmum skemmtilegt og yndælt fólk þar á ferð.

   Að örðu sem hér hefur gerst er að ég er búin að festa kaup á húsi og ég er í sjöunda himni yfir því. Þetta er 150 fm hús með bílskúr og stórri lóð. Garðurinn er alger paradís og kemur til með að henta vel í gerillveislur og annað í þeim dúr enda risastór verönd sem er að hluta til yfirbyggð, svo það gerir ekkert til þó að rigni það geta allir verið í skjóli. Það er yndislegur gamall maður sem átti og byggði þetta hús og hefur hann hugsað um það eins og sjáaldur augna sinna svo það er í toppformi. Það er tiltölulega nýtt þak á húsinu ( 5 ára gamalt ) allt svo vel við haldið, hann vill svo fá að koma í vor og hjálpa mér og segja mér til með garðinn hvernig er best að hirða hann og halda honum við, hann er algjört krútt þessi maður. Ég flyt þangað í janúar og vona að það verði um miðjan mánuðinn. Það er nú ekki slæmt að byrja nýtt ár í nýju húsnæði og það draumahúsinu

   Bærinn sem ég flyt í heitir Brørup og hann er nokkuð norðar en ég hef verið hingað til, og það er ekki nema um  hálftíma keyrsla til Billund ( það er flogið þangað á sumrin frá Íslandi ) og þetta er meira miðsvæðis. Svo það er styttra fyrir mig að sækja þá sem koma í heimsókn þaðan og vona ég að það komi sem flestir  

   Svo er ég komin með nýja vinnu ! Ég er að fara að keyra fötluð börn í skólakeyrslu, þetta eru börn frá 4 ára til 14 og var ég í "oplæring" í síðustu viku og leggst þetta vel í mig. Það kom mér verulega á óvart hvað það var auðvelt að fá þessa vinnu því yfirleitt þarf að skila inn skriflegum umsóknum og "cv" sem er ferilsskrá en ég hringdi bara og fékk viðtal og fékk vinnuna. Bara hið minnsta mál, það gekk öllu verr að fá vinnu hér þegar ég kom fyrst, en kannski er það danskan sem hefur batnað svolítið.

    Jæja nú hef ég þetta ekki lengra í bili en óska ykkur öllum árs og friðar á komandi ári.

    Bless bless Þóra Björk

  

   Jæja nú dugar þetta víst ekki lengur !   Ég verð bara að viðurkenna að það ERU að koma jól og 1. des eftir tvo daga og ég er ekki farin að gera neitt ennþá                 Jólin hafa nú ekki höfðað neitt sérstaklega mikið til mín en núna er ég virkilega farin að hlakka til jólanna, að fá strákana mína til mín   

    Hér eru þeir að spá því að það verði sennilega heitustu jól fyrr og síðar svo ég get að öllum líkindum ekki átt von á jólasnjó, og ég sem er svo hrifin af snjónum og þá sérstaklega yfir jólin. Það er nú einu sinni þannig í mínum huga að það Á bara að vera snjór að vetri til og jólin eiga að vera hvít allt verður svo mikið bjartara í skammdeginu.  Hér eru hins vegar grundir iðagrænar núna og minnir meira á vor en jól   Ég verð að fara að virkja myndavélina mína og taka myndir af þessum engjum og setja hér inn. ( þarf þó að fá eitthvað séní sem ég þekki til að aðstoða mig því ég kann ekkert á það

   Jæja nú verð ég að koma mér út að gera eitthvað af viti

   Bless bless Þóra Björk

   Nú er ég að hugsa um að færa mig um set á ný Ég er búin að leggja að því drög að fá mér vinnu og flytjast stuttu eftir það svolítið norðar og innar í landið en ég er núna. Mig langar að vera í eða við bæ sem heitir Rødding ( lesið Röðing ) og vona að það geti gerst bara sem allra fyrst

   Ekki meira núna

  Bless bless Þóra Björk

     Ég vaknaði upp við það i morgun að sólin skein inn um gluggann hjá mér og beint í andlitið á mér, það hljómar kannski ekki vel en þegar það er búið að rigna stanslaust í MJÖG langan tíma þá eru þetta gleði fréttir                   Ég ákvað því  að "hjóla"  í vinnuna, Lotta vinkona heldur alltaf að ég sé að tala um reiðhjólið mitt þegar ég segist ætla út að hjóla, en ég átti auðvitað við mótorhjólið             Dásamlega frelsandi að að hafa vindinn í fangið en þegar ég fór heim úr vinnunni var búið að rigna enn á ný svo það var allt blautt úti. Ég hef aldrei fyrr hjólað í bleytu svo ég verð að viðurkenna að ég var svolítið smeyk, en þetta gekk þó allt að óskum og ég komst heim heilu og höldnu

      Ég er byrjuð að vinna aftur LOKSINS og það er vel, en það er ekki gott hvað ég fékk hrikalega miklar harðsperrur í lærin    að vísu er það gott merki um að maður er að hreyfa sig en á móti kemur að þetta er líka merki þess að ég hef EKKI verið að hreyfa mig neitt að ráði að undanförnu, reyndar í langan tíma     ég er þó að lagast aftur og ég tek þessu því bara eins og hverju öðru hundsbiti og veit að það er merki um gott áframhald  

     Bless bless í bili  Þóra Björk

   Ég er svo bit núna að ég get varla komið frá mér orði, en ég verð hreinlega að reyna það því ég þarf að koma þessu frá mér.

   Nýjustu fréttir úr pólitíkinni þarna heima er að hann Árni Johnsen er á leið aftur á þing . . . . eftir að vera sigurvegari í kosningum ( í annað sæti )   . . . . . .er bara ekki allt í lagi með landann ?????       Þetta er maður sem STAL almannafé og notaði til að gera huggulegt heima hjá sér, laug til um það allt og sat svo í fangelsi fyrir þegar upp komst.     Er þetta virkilega manneskja sem á að treysta til að gæta OKKAR hagsmuna á Þingi allra landsmanna.   Það er ekki skrítið að það fari illa fyrir fólkinu sem er hvað verst statt þegar svo gemsar eru í forsvari fyrir þjóðina. . . . hann hugsar ekki um neitt annað en að moka meira og meira undir sig sjálfan og sína líka. Það er talað um hvað íslendingar hafi lélegt minni þegar kemur að stjórnmálamönnum en þetta er nú heldur langt gengið.

    Eina alveg rasandi

    Bless bless Þóra Björk

   Oj það er svo leiðinlegt að vera "lasin" en ég er hér með þessa fínu rödd einu sinni enn sem ég virðist orðið fá reglulega og hún hljómar ekki vel   ´*Eg hljóma eins og rámur hrafn sem hefur fengið hæsi ofan í allt hitt . .  . . . . . . ég hef svo sem aldrei haft neitt yfirmáta þýða og fallega rödd en mín eigin en þó skömminni skárri en það sem ég þarf að búa við núna næstu daga          ég held meira að segja að hann Jakob minn sé hálf  smeykur við þennan aðila sem líkist svo mikið kerlingunni sem hann kallar mömmu en hljómar alls ekki eins

   Annars er bara nokkuð gott að frétta ég byrja að vinna aftur á mánudaginn næsta og ég er farin að hlakka mikið til, yfirkonan hringdi í mig í morgun til að melda mig til vinnu . . .. .  hún spurði þrisvar sinnum hvort þetta væri Þóra   hún þekkti mig ekki í síma . Það verður notalegt að vera einhvers nýt aftur

    Jæja ég ætla ekki að hafa þetta lengra núna

   Bless bæess Þóra Björk